गर्नु गर्यौ बाबुराम बासी भातलाई साजी भनेर..

२८ जनवरी, काठमाडौं । ‘गर्नु गर्यौ बाबुराम, बासी भातलाई साजी भनेर..’ कांग्रेस प्रमुख सचेतक लक्ष्मणप्रसाद घिमिरेले चर्चित लोक गीत ‘रिमिक्स’ गरेर शुक्रबार संसदमा सुनाए । जेठ १४ आउन ४ महिना मात्र बाँकी रहेकाबेला शान्ति र संबिधानका काम अलपत्र पारेर मुलुकलाई दुर्घटनातर्फ धकेल्न खोजेको भन्दै घिमिरेले प्रधानमन्त्री बाबुरामले ‘गर्नु गर्यौर’ भनेर ब्यंग्य गरेका हुन् ।

प्रधानमन्त्री बाबुराम भट्टराईले संसद बैठक छलेर बिहीबार दुई ‘स’ अर्थात सुशासन र समृद्धिको कार्यक्रम घोषण गरेका थिए । शान्ति, संविधान, सडक र सदन गरी चार ‘स’ माथि लागेको जाम हटाउन पहल गर्नुको सट्टा प्रधानमन्त्रीले केही गरेको भ्रम जनतामा छर्न दुई ‘स’ को कार्यक्रम घोषणा गरेको बिपक्षी दलहरुको आरोप छ ।

विपक्षी दलले भने जस्तै संविधानसभाको कार्यकाल चार महिनामात्र बाँकी रहे पनि संविधान निर्माण ठप्प छ ।